Protect your research - Nunavut: Inuktitut

ᑕᒪᐃᓐᓄᑦ ᐃᓚᒋᓪᓗᒍ ᑎᓕᔭᐅᓯᒪᔾᔪᑎᖏᓐᓂᑦ, ᑲᓇᑕ ᖃᐅᔨᓴᖅᑎᖏᑦ ᐃᓄᖕᓂᒃ ᐱᔨᑦᑎᕋᖅᐸᒃᑐᑦ ᖃᐅᔨᓴᕆᐊᖅᖢᑎᒃ ᐊᒻᒪᓗ ᐅᖃᐅᔾᔨᒋᐊᖅᖢᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐅᓗᕆᐊᖅᓵᕆᔪᓂᒃ ᐱᕋᔭᖕᓂᒃᑯᑦ ᐊᒻᒪᓗ ᐊᑭᐊᓂᕐᒥᐅᑦ-ᑕᐃᒪᓐᓇᐅᖁᔭᖏᓐᓂᒃ ᖃᓄᐃᓕᐅᕈᑕᐅᔪᓂᒃ. ᑕᐃᒪᓗ ᓯᓚᕐᔪᐊᖅ ᐊᒃᓱᒪᕆᐋᓗᒃ ᓵᓚᐅᔪᒪᖃᑦᑕᕈᓐᓃᖅᓯᒪᑎᓪᓗᒋᑦ, ᓄᓇᖏᑦ ᐊᕕᒃᑐᖅᓯᒪᔪᑦ ᕿᓂᖅᐳᑦ ᖃᓄᑐᐃᓐᓇᖅ ᑑᑎᖃᑦᑎᐊᕈᓐᓇᖅᑐᓂᒃ. ᑕᐃᒪᓗ ᐱᓕᕆᑦᑎᐊᕐᓂᐊᕐᓗᒍ ᑎᓕᔭᐅᓯᒪᓂᖅᑎᒃ ᒪᑭᒪᔾᔪᑎᓕᕆᓂᕐᒧᑦ ᐊᒻᒪᓗ ᐃᓄᖕᓂᒃ ᖃᐅᔨᓴᕐᓂᖅ ᐅᒡᕙᓘᓐᓃᑦ ᐅᓇᑕᖅᑐᒃᓴᐃᑦ ᓯᕗᓪᓕᐅᑎᖁᔭᖏᓐᓂᒃ, ᐃᓚᖏᑦ ᐊᑭᐊᓂᕐᒥᐅᑦ ᓄᓇᐃᑦ ᐱᓇᓱᐊᖅᐸᓪᓕᐊᖕᒪᑕ ᐱᕋᔭᖃᑦᑕᖅᖢᑎᒃ. ᐅᑯᐊ ᐊᑭᐊᓂᕐᒥᐅᑦ ᐱᕋᔭᖕᓂᖏᑦ ᐊᖏᔪᒥᒃ ᐱᔪᓐᓇᐃᓕᑎᑦᑎᕙᒃᑐᑦ ᐊᒃᑐᖅᑕᐅᓪᓗᑎᒃ ᑲᓇᑕᒥᒃ, ᐃᓚᒋᔭᐅᕗᑦ ᐊᓯᐅᔪᑦ ᐃᖅᑲᓇᐃᔮᑦ, ᑐᓐᖓᕕᐅᔪᑦ ᐊᒻᒪᓗ ᑖᒃᓰᔭᕈᑎᑦ ᐃᓯᖅᑐᑦ ᑮᓇᐅᔭᐃᑦ, ᐊᒻᒪᓗ ᓄᖑᑉᐸᓪᓕᐊᕗᑦ ᐱᕚᓪᓕᖅᓯᒪᓂᖅᓴᐅᔪᓐᓇᕐᓂᖓᑦ ᐊᒻᒪᓗ ᑲᓇᑕ ᐱᕚᓪᓕᖅᓯᒪᔪᓐᓇᐅᑎᖏᑦ.



ᑕᐃᑲᓂ 2010, ᓄᓇᕗᑦ ᐃᑲᔫᑎᓚᐅᖅᑐᖅ ᑐᓂᓯᓪᓗᓂ ᖃᓂᒋᔭᖓᓂ $1.75 ᐱᓕᐊᓐ ᑲᓇᑕᒧᑦ ᑮᓇᐅᔭᓕᐊᑦ ᓄᓇᒥᖕᓂᑦ ᐃᒻᒥᒍᑦ ᐱᖁᑎᒥᖕᓂᑦ, ᑕᐃᒪᓐᓇᐅᑎᑦᑎᓚᐅᖅᑐᑦ ᐱᐅᓯᑐᖃᖓᑦᑎᒍᑦ ᒪᑭᒪᔾᔪᑎᓄᑦ ᐃᓚᒋᔭᐅᓪᓗᑎᒃ ᒐᕙᒪᒃᑯᓂᒃ ᐊᐅᓚᑦᑎᔾᔪᑕᐅᔪᑦ, ᐅᔭᕋᖕᓂᐊᖅᑐᑦ ᐊᒻᒪᓗ ᕿᓂᖅᑐᑦ ᐅᔭᕋᖕᓂᐊᒐᒃᓴᓂᒃ, ᐊᖑᓇᓱᖕᓂᒃᑯᑦ, ᐃᖃᓗᒐᓱᖕᓂᒃᑯᑦ, ᐳᓚᕋᑦᑐᓕᕆᓂᒃᑯᑦ ᐊᒻᒪᓗ ᐃᒡᓗᓕᐅᕐᓂᒃᑯᑦ ᐊᖏᔪᓂᒃ ᓴᓇᓂᖅ. ᐅᓇ ᑎᐅᓕᑐᐊᓕ ᓴᖕᖏᔫᖕᒥᔪᖅ ᖃᐅᔨᓴᖅᓯᓂᖓᑦ, ᑕᒪᐃᓐᓄᑦ ᐱᓯᒪᔪᖅ ᓴᕿᐸᓪᓕᐊᑎᑦᑎᓂᕐᒥ ᐊᒻᒪᓗ ᐃᒃᐱᒍᓱᑦᑎᐊᖅᑐᑦ ᖃᐅᔨᓴᕐᕕᖕᓂᒃ ᓲᕐᓗ ᓄᓇᕗᒻᒥ ᖃᐅᔨᓴᖅᕕᖃᖅᑐᑦ, ᑲᓇᑕᐅᑉ ᖁᑎᒃᑐᕐᒥ ᖃᐅᔨᓴᕐᕕᖓᑦ, ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖓᑦ.

ᐅᑯᐊ ᐱᕚᓪᓕᖅᓯᒪᓪᓚᕆᒃᑐᑦ ᓇᑉᐸᖅᓯᒪᔭᖏᑦ ᐱᓕᕆᔾᔪᑎᖏᑦ ᐳᖅᑐᓂᖅᐹᒥᒃ ᓄᑖᓂᒃ ᐱᓕᕆᔾᔪᑕᐅᓕᖅᑐᑦ ᐊᒻᒪᓗ ᐃᓚᓕᐅᑎᓯᒪᔪᑦ ᐊᑑᑎᖃᕐᒪᑦ ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔭᖏᓐᓂᒃ. ᑲᓇᑕᐅᑉ ᐅᑭᐅᖅᑕᖅᑐᐊᑕ ᐱᓕᕆᔪᓐᓇᕐᓂᖓ ᐊᔪᖏᓐᓂᖓ ᑎᑭᐅᑎᔪᓐᓇᕐᓗᓂ ᓄᑖᓂᒃ ᐳᖅᑐᓛᓂᒃ ᑕᐃᒪᓐᓇᐅᓕᖅᑐᑦ ᐅᓪᓗᒥ ᐱᓇᓱᐊᕐᓂᖏᓐᓄᑦ ᐱᐅᓯᕚᓪᓕᖅᑎᓯᒪᓪᓗᒍ ᖃᐅᔨᓴᐃᓂᒻᒪᕆᒃ ᑐᑭᓯᔭᐅᔪᑦ, ᐱᐅᖅᓱᐊᕈᑕᐅᔪᑦ ᓄᓇᒥᑦ ᐱᕙᓪᓕᐊᑎᑦᑎᔪᑦ ᐊᒻᒪᓗ ᐅᑭᐅᖅᑕᖅᑐᖅ ᑕᕆᐅᖓᑕ ᐱᑐᐃᓐᓇᕆᐊᖃᓕᖅᓯᒪᓂᖓ. ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐱᕚᓪᓕᑦᑎᐊᑲᓐᓂᕐᓂᐊᕐᒪᑕ ᓱᕈᖅᓴᐃᓐᖏᑦᑐᓂᒃ ᐱᓕᕆᔾᔪᑎᖃᓕᕐᓗᑎᒃ ᐊᒻᒪᓗ ᓄᓇᒥᑦ ᐆᒻᒪᖁᑎᖃᕐᑎᑦᑎᓗᑎᒃ, ᓄᓇᕐᔪᐊᖅ ᕿᒥᕐᕈᐊᖅᑕᐅᕕᖓ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐊᒻᒪᓗ ᐱᔨᑦᑎᕋᐅᑎᑦ, ᐊᕙᑖᓂᓗ ᐊᒥᓱᒻᒪᕆᐋᓗᐃᑦ ᐱᕚᓪᓕᕈᑎᒋᔪᑦ ᖃᐅᔨᓴᐃᓂᒻᒪᕆᒃᑯᑦ. ᐊᐃᑖᖑᒐᓗᐊᖅ, ᒐᕙᒪᒃᑯᑦ ᑲᓇᑕᒥ ᓇᐅᑦᑎᖅᓱᖅᑎᖏᑦ ᐃᓄᖕᓂᒃ ᓇᓗᓇᐃᖅᓯᓚᐅᖅᑐᑦ ᐊᒥᓱᓂᒃ ᐊᐅᓚᑦᓯᕕᐅᒍᓐᓇᖅᑐᓂᒃ ᐊᖏᔫᓚᐅᖅᑐᖅ ᐱᔭᐅᔪᒪᔪᖅ ᐊᑭᕋᓂᖔᖅᑐᖅ ᐊᒻᒪᓗ ᐸᒡᕕᔪᑦ ᐊᑭᕋᑦ ᕿᓂᖅᑐᑦ ᐊᖅᓵᓯᓇᓱᐊᖅᑐᑦ ᒪᑐᐃᖓᓂᑦᑎᒍᑦ ᐊᒻᒪᓗ ᑐᑭᓯᓇᓱᖃᑎᒌᖕᓂᖅ ᐊᕙᑎᒥᒃ ᐊᔪᖏᑎᑦᑎᔪᑦ ᑲᓇᑕ ᓄᑖᓂ ᐱᓕᕆᔾᔪᑎᒃᓴᓄᑦ ᐃᖏᕐᕋᑦᑎᐊᖁᓪᓗᒋᑦ.

ᐱᔭᕐᓂᓐᖏᑑᒐᓗᐊᖅ ᑕᒻᒪᖅᓯᒪᓐᖏᑦᑎᐊᖅᑐᒥᒃ ᐱᓕᕆᔭᕆᐊᒃᓴᖓ ᐸᒡᕕᔪᑦ, ᓱᕋᐃᓂᖓ ᐊᔪᖅᓴᓐᖏᔾᔪᑎᒋᔪᓐᓇᖅᑕᑦᑎᓐᓂᒃ ᑕᐃᒪᓐᓇᐃᓪᓚᕆᒃᑑᕗᖅ. ᑕᒪᑐᒥᖓ ᑕᐃᒪᓐᓇᐅᓕᖅᑐᖅ, ᐱᒻᒪᕆᐅᕗᖅ ᑖᒃᑯᐊ ᑲᓇᑕᒥᐅᑦ ᑐᓴᐅᒪᑎᑕᐅᑦᑎᐊᑲᓐᓂᕐᓗᑎᒃ ᐅᓗᕆᐊᖅᓵᕆᔪᓂᒃ ᑕᐃᒪᓗ ᑲᔪᓯᑦᑎᐊᕐᓂᐊᕐᒪᑕ ᓄᑖᓂᒃ ᐱᓕᕆᔾᔪᑎᒃᓴᓄᑦ, ᑐᑭᓯᐊᖃᑎᒌᒐᓱᖕᓂᖅ, ᐱᓇᓱᐊᖃᑎᒌᖕᓂᖅ ᐊᒻᒪᓗ ᐊᔪᖅᓴᖏᑦᑎᐊᕐᓗᑎᒃ ᑐᑭᓯᐅᒪᖃᑎᒌᑦᑎᐊᕐᓗᑎᒃ ᐊᑦᑕᕐᓇᖅᑐᓂᒃ ᐊᒻᒪᓗ ᖃᐅᔨᒪᓗᑎᒃ ᓴᐳᒻᒥᔭᕆᐊᖃᕐᓂᕐᒥᖕᓂᒃ ᐃᒻᒥᖕᓂᒃ. ᒐᕙᒪᒃᑯᑦ ᑲᓇᑕᒥ ᓇᐅᑦᑎᖅᓱᖅᑎᖏᑦ ᐃᓄᖕᓂᒃ ᐱᓕᕆᖃᑎᖃᖅᑐᑦ ᑎᒍᒥᐊᖅᑎᐅᔪᓂᒃ ᑐᕌᕆᓪᓗᒋᑦ ᖃᓄᐃᓕᐅᕐᕕᐅᔪᓂᒃ ᖃᐅᔨᒪᑎᑦᑎᓂᖅᓴᐅᓂᐊᕐᒪᑕ ᒫᓐᓇᐅᔪᖅ ᐅᓗᕆᐊᖅᓵᕆᔾᔪᑕᐅᔪᓂᒃ ᐱᓯᒪᔪᑦ ᐃᓗᐊᓂ ᑲᓇᑕ ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᖏᓐᓂᒃ. ᐅᓇ ᑐᓴᐅᒪᑎᑦᑎᓂᖅ ᐃᑲᔪᖅᑐᖅ ᑲᒻᐸᓂᐅᔪᓄᑦ, ᐃᓕᓐᓂᐊᕐᕕᖕᓄᑦ, ᒐᕙᒪᒃᑯᓄᑦ ᐊᒻᒪᓗ ᒐᕙᒪᐅᓐᖏᑦᑐᓄᑦ ᐊᐅᓚᑦᓯᔨᓄᑦ ᐱᓕᕆᑎᓪᓗᒋᑦ ᓴᐳᒻᒥᓇᓱᐊᖅᖢᑎᒃ ᑭᒃᑰᓂᖏᓐᓂᒃ, ᑭᓲᖕᒪᖔᑕ ᐃᓗᓕᖏᑦ ᖃᐅᔨᓴᖅᑕᐅᔪᑦ ᐊᒻᒪᓗ ᐃᓄᖕᓂᒃ ᖃᐅᔨᓴᕐᓂᖅ ᐱᖁᑎᖏᑦ, ᐊᒻᒪᓗ ᖃᕿᓇᓱᐊᕈᑎᖏᓐᓂᒃ. ᒐᕙᒪᒃᑯᑦ, ᐱᔅᓂᔅ, ᐊᒻᒪᓗ ᐃᓕᓐᓂᐊᕐᕕᑦ ᑖᒃᑯᐊ ᑕᐃᒫᑐᐃᓐᓇᖅ ᐱᔪᒪᔭᖃᕐᒪᑕ ᖃᐅᔨᒪᓂᖅᓴᐅᓕᕐᓗᑎᒃ ᐊᕕᒃᑐᖅᓯᒪᔪᓂᑦ-ᑮᓇᐅᔭᖃᖅᑎᑕᐅᔪᑦ ᐱᕋᔭᖕᓂᑦ ᑐᕌᖅᑐᑦ ᑲᓇᑕᒥᒃ ᐊᒃᑐᓗᐊᖅᑕᐃᓕᑎᑦᑎᓂᖅ ᐱᐅᓐᖏᑦᑐᒥᒃ ᐊᒃᑐᖅᑕᐅᖁᓇᒋ ᒪᑭᒪᓇᓱᐊᕈᑎᕗᑦ ᑮᓇᐅᔭᖅᑎᒍᑦ ᐱᕈᖅᑎᑦᑎᓂᖅ ᐊᒻᒪᓗ ᐊᔪᖏᓐᓂᖅ ᓄᑖᓂᒃ ᐱᓕᕆᔾᔪᑎᖃᕐᓂᕐᒧᑦ. ᓴᓇᖃᑎᖃᕈᒪᕗᒍᑦ ᐃᓕᖕᓂᒃ ᓴᐳᒻᒥᓗᒋᑦ ᐊᐅᓚᑦᓯᔨᑦ ᐱᖁᑎᖏᑦ, ᐊᐅᓚᑦᓯᔨᐅᔾᔪᓯᖏᑦ ᐊᒻᒪᓗ ᐃᓄᖏᑦ.

ᓇᓕᐊᒃ ᐅᑯᐊ ᑐᕌᖅᑕᐅᕙᑦ?

• ᖃᕆᓴᐅᔭᓕᕆᓂᖅ • ᐊᐅᖕᓂᒃ ᐃᔭᕈᕙᐅᔭᓂᒡᓗ ᖃᐅᔨᓴᕈᑎᑦ • ᐋᓐᓂᐊᖃᖅᑕᐃᓕᑎᑦᑎᓂᖅ• ᐃᖏᕐᕋᔾᔪᑎᓕᕆᓂᖅ (ᐊᓂᕐᓂᖃᓐᖏᑦᑐᒧᑦ ᖃᖓᑦᑕᓲᑦ, ᓄᓇᓯᐅᑎᑯᑖᑦ, ᐸᑕᓖᒧᖅᑐᑦ ᓄᓇᓯᐅᑎᑦ, ᑕᕆᐅᕐᒥ ᐊᐅᓚᐅᑎᑦ, ᐱᖁᑎᑖᖅᑎᑦᑎᕙᒃᑐᓂᑦ) • ᐃᓕᓐᓂᐊᕐᕕᑦ • ᐆᒻᒪᖁᑎ • ᓴᓇᓂᖅ ᐊᐅᓚᐅᓯᕆᓂᒃᑯᑦ

ᑭᓱᒥᒃ ᑐᕌᖅᓯᕙᑦ?

• ᓄᑖᑦ ᖃᐅᔨᓴᕈᑎᑦ ᐊᒻᒪᓗ ᓴᓇᕐᕈᑎᑦ ᖃᐅᔨᓴᐃᓂᒻᒪᕆᖕᒧᑦ, ᖃᕆᓴᐅᔭᓕᕆᓂᕐᒧᑦ, ᐊᐅᓚᐅᓯᕆᓂᕐᒧᑦ ᐊᒻᒪᓗ ᓈᓴᐅᓯᕆᓂᕐᒧᑦ ᐱᓕᕆᔾᔪᑎᑦ • ᐃᓄᐃᑦ ᓇᖕᒥᓂᖁᑎᖏᑦ ᐱᖁᑎᑦ • ᐊᑦᑕᕐᓇᖅᑐᑦ ᓇᑉᐸᕆᐊᓕᑦ ᐱᖁᑎᑦ • ᐃᓅᑉ ᑭᓇᐅᓂᖓᓂᒃ (ᓲᕐᓗ ᑮᓇᐅᔭᖏᑦ ᐊᒻᒪᓗ ᐋᓐᓂᐊᕕᓕᐊᕈᑎᑦ ᑎᑎᖃᖏᑦ) • ᒐᕙᒪᒃᑯᑦ ᑎᑎᖃᖏᑦ • ᑐᓴᐅᑎᓕᕆᔾᔪᑎᑦ ᐊᔪᖏᔾᔪᑕᐅᔪᑦ

ᓇᓗᓇᐃᑦᑎᐊᑲᓐᓂᖅᓯᒪᔪᑦ ᐆᒃᑑᑎᑦ ᐃᓚᒋᔭᐅᕗᑦ: ᓴᓇᓯᒪᔭᑦ; ᖃᐅᔨᓴᕈᑎᑦ ᖃᓄᐃᓕᖓᖕᒪᖔᑕ; ᓂᐅᕕᐊᒃᓴᓕᕆᓂᖅ ᐅᒡᕙᓘᓐᓃᑦ ᓂᐅᕕᐊᒃᓴᕆᓂᐊᖅᑕᒧᑦ ᐸᕐᓇᐅᑎᑦ; ᓇᖕᒥᓂᖃᖅᑐᑦ ᑭᓱᓕᕆᔾᔪᑎᖏᑦ ᐅᒡᕙᓘᓐᓃᑦ ᐱᕙᓪᓕᐊᑎᑕᖏᑦ; ᐃᖅᑲᓇᐃᔭᖅᑎᑦ ᑭᒃᑰᓂᖏᑦ; ᓂᐅᕕᕐᕕᐅᔪᑦ ᐊᒻᒪᓗ ᓂᐅᕕᖅᑎᑦᑎᕙᒃᑐᑦ ᑭᒃᑰᓂᖏᑦ; ᖃᕆᓴᐅᔭᓕᕆᔾᔪᑎᑦ; ᖃᑭᔾᔪᑎᒃᓴᓄᑦ ᖃᐅᔨᒪᔾᔪᑎᑦ; ᑐᓐᖓᕕᐅᔪᑦ ᐋᕿᒃᓯᒪᔾᔪᑎᒃᓴᖏᑦ; ᐊᑐᖅᑕᐅᖔᕐᓂᐊᓕᖅᑐᓄᑦ; ᐊᒻᒪᓗ ᓇᓗᓇᐃᕈᑎᑦ ᐱᖁᑎᒋᓂᕐᒥᖕᓂᒃ ᐅᒡᕙᓘᓐᓃᑦ ᑮᓇᐅᔭᒃᓴᓂᒃ ᑐᒃᓯᕋᐅᑎᑦ.

ᑭᓱᓂᒃ ᐊᑐᕐᒪᑕ?

• ᖃᕆᓴᐅᔭᒃᑯᑦ ᓈᓚᒃᑐᑦ ᐱᕋᔭᐅᑎᒃᓴᓂᒃ • ᐃᓅᓯᖓᓂᒃ ᓈᓚᒃᑐᖅ ᐱᕋᔭᐅᑎᒃᓴᒥᓂᒃ • ᑎᒃᓕᓲᑦ ᐊᒻᒪᓗ ᐊᓯᒥᖕᓄᑦ ᑐᓐᓂᖁᑎᒋᓪᓗᒍ ᖃᕆᓴᐅᔭᓕᕆᔾᔪᑕᐅᔪᑦ ᐊᒻᒪᓗ ᖃᐅᔨᒪᔾᔪᑕᐅᔪᖅ ᖃᓄᖅ ᐱᓕᕆᔭᐅᕙᒃᑐᓂᒃ • ᐱᔭᐅᔭᕆᐊᒃᓴᖏᑦ ᐊᒻᒪᓗ ᐱᕋᔭᐅᑕᐅᓗᑎᒃ ᐊᑦᑕᕐᓇᖅᑐᑦ ᑲᓇᑕᐅᑉ ᑎᑎᖃᖁᑎᖏᑦ • ᐊᑭᐊᓂᕐᒥᐅᓂᑦ ᐃᓯᕈᓐᓇᐅᑎᑦ ᐊᒻᒪᓗ ᐊᐅᓚᑦᑎᓂᖅ ᐊᑦᑕᕐᓇᖅᑐᓂᒃ ᓇᑉᐸᖅᑕᐅᓯᒪᔪᓄᑦ • ᒐᕙᒪᒃᑯᑎᒍᑦ ᐅᓗᕆᐊᖅᓵᕆᔪᑦ • ᐊᑭᕋᓂᖔᖅᑐᑦ ᐊᑭᐊᓂᑦ ᖃᑭᔾᔪᑎᒃᓴᓕᐊᑦ • ᐊᓯᕈᐃᓂᖅ ᐊᐅᓚᐅᓯᕆᓂᕐᒧᑦ • ᐱᕋᔭᖕᓂᒃᑯᑦ ᓱᕋᑦᑎᕆᔪᖅ ᐊᒻᒪᓗ ᐸᒡᕕᔪᖅ ᐱᓂᕐᓗᒍᑎᖃᕋᓱᐊᖅᑐᑦ ᓚᐃᓴᓯᑦ ᐊᖏᕈᑎᖏᓐᓂ• ᐊᑭᓇᓱᐊᕐᓂᖅ

ᖃᐅᔨᒪᓂᐊᖅᐳᑎᑦ ᐅᓇ ᑎᑎᕋᖅᓯᒪᔪᖅ ᑕᑭᔫᓗᐊᓐᖏᖅᑐᖅ ᑕᒪᒃᑮᓯᒪᓗᐊᓐᖏᑦᑐᖅ.

ᖃᓄᖅ ᓴᐳᒻᒥᔾᔪᑎᖃᕈᓐᓇᕋᒪ ᖃᓄᐃᓕᔭᐅᖁᓇᖓ?

• ᓇᓗᓇᐃᑦᑎᐊᕐᓗᒋᑦ ᐊᑑᑎᖃᓛᑦ ᑐᓴᖅᑕᐅᖁᓐᖏᑕᑎᑦ ᐊᒻᒪᓗ ᓴᐳᒻᒥᓗᒋᑦ_ᑐᓐᓂᖁᑎᒋᑦᑕᐃᓕᓗᒋᑦ ᑭᓯᐊᓂ ᐊᑑᑎᖃᖅᑐᓄᑦ• ᐱᐅᓯᕚᓪᓕᖅᑎᓪᓗᒍ ᐊᒻᒪᓗ ᐊᑯᓚᐃᑦᑐᒥᒃ ᖃᔨᓴᖃᑦᑕᕐᓗᒍ ᐅᒡᕙᓘᓐᓃᑦ ᑕᒻᒪᖅᓯᒪᔪᖅᓯᐅᕐᓗᒋᑦ ᖃᕆᓴᐅᔭᒃᑯᑦ - ᖃᐅᔨᓴᕈᑎᑦ ᐱᕋᔭᒐᔭᖅᑐᓂᒃ ᐊᑐᐊᒐᐃᑦ ᐊᒻᒪᓗ ᐱᓕᕆᔾᔪᓯᑦ • ᖃᐅᔨᓴᑦᑎᐊᖃᑦᑕᕐᓗᑎᑦ ᐃᓱᒪᓕᐅᕆᑎᓪᓗᑎᑦ • ᖃᐅᔨᓴᑦᑎᐊᕐᓗᒋᑦ ᓂᐅᕕᕐᕕᒋᔭᑎᑦ, ᑮᓇᐅᔭᒃᓴᖃᕐᑎᑦᑎᔪᑦ, ᐱᓇᓱᐊᖃᑎᒋᔭᑎᑦ, ᐃᖅᑲᓇᐃᔭᖅᑎᒋᔭᑎᑦ ᐊᒻᒪᓗ ᐳᓛᖅᑐᑦ • ᐊᑐᖅᑕᐅᑎᓪᓗᒍ ᑲᑉᐱᐊᓇᖅᑐᑰᖅᑕᐃᓕᓂᖅ-ᖃᐅᔨᒪᑦᑎᐊᕋᓱᒡᓗᒋᑦ ᐱᐅᓯᕆᓗᒍ• ᐊᑦᑕᕐᓇᕋᔭᖂᔨᒐᓗᐊᖅᐸᑦ-ᐊᐅᓚᑦᑎᔾᔪᑎᒋᓗᒍ ᐱᒋᐊᕈᑎᒋᓗᒍ • ᐊᑐᕐᓗᑎᑦ ᓴᖕᖏᔪᓂᒃ ᑎᒥᖏᑦ ᖃᐅᔨᓴᖅᑎᓂᒃ ᐃᓄᖕᓂᒃ ᑕᐃᒪᓐᓇᐅᔭᕆᐊᖃᓕᕐᓂᕈᕕᑦ • ᖃᐅᔨᒪᑦᑎᐊᕐᓗᒋᑦ ᐊᖏᕈᑎᑦ, ᓲᕐᓗ ᑳᓐᑐᕌᑦ ᐅᒡᕙᓘᓐᓃᑦ ᐱᓇᓱᐊᖃᑎᒌᒍᑎᒋᔭᑦᓯᓐᓄᑦ ᐊᖏᕈᑎᑦ ᑮᓇᐅᔭᓕᐅᕈᑕᐅᔪᓐᓇᕐᒪᑕ ᐊᒻᒪᓗ ᐅᑎᕐᕕᐅᔪᓐᓇᕐᒪᑕ, ᐊᒻᒪᓗ ᐃᒻᒥᒍᑦ ᐊᒡᕕᐊᕈᑎᑦ ᐊᑲᐅᓐᖏᓕᐅᕈᑎᒋᑦᑕᐃᓕᓂᖅ ᒪᓕᒋᐊᓕᑦ ᐊᑐᕐᓗᒋᑦ• ᓴᐳᑎᓯᒪᑦᑎᐊᕐᓗᒋᑦ ᐱᖁᑎᑎᑦ ᐊᑭᑐᔪᑦ •ᖃᐅᔨᒪᑦᑎᐊᕐᓗᒋᑦ ᖃᐅᔨᒪᓇᓐᖏᑦᑐᑦ ᓯᓚᐃᕐᕆᔪᓐᓇᖅᑐᑦ • ᐅᖃᕐᕕᒋᓗᒋᑦ ᐊᖓᔪᖅᑳᑦ ᐃᓱᒫᓘᑎᖃᕈᕕᑦ.

ᑭᓲᕙᑦ ᐊᑭᕋᓂᖔᖅᑐᑦ ᐊᑭᐊᓂᑦ ᖃᑭᔾᔪᑕᐅᒐᓱᐊᖅᑐᑦ ᓂᐅᕕᖅᑕᑦ?

ᑕᐃᑲᓂ ᐊᖏᓛᑦ ᑕᒪᕐᒥᑦᑎᐊᐸᓗᒡᓗ ᐊᑭᐊᓂᑦ ᓂᐅᕕᐊᖑᓯᒪᔪᑦ ᖃᑭᔾᔪᑎᒃᓴᓄᑦ ᑲᓇᑕᒥᑦ ᐱᓕᕆᐊᖑᕙᖕᒪᑕ ᒪᑐᐃᖓᓪᓗᑎᒃ ᐊᒻᒪᓗ ᓴᕿᔮᕈᑎᒋᓪᓗᒋᑦ, ᐊᒥᓱᑦ ᐊᕕᒃᑐᖅᓯᒪᔪᓂᑦ-ᓇᖕᒥᓂᕆᔭᑦ ᐅᒡᕙᓘᓐᓃᑦ ᐊᕕᒃᑐᖅᓯᒪᔪᓂᑦ-ᐊᑕᔪᑦ ᐊᒻᒪᓗ ᓇᖕᒥᓂᖁᑎᖃᖅᑐᑦ ᐃᓄᑐᐃᓐᓇᐃᑦ ᓕᕆᖃᑎᖃᐃᓐᓇᓲᖑᔪᑦ ᐊᑭᐊᓂᑦ ᒐᕙᒪᒃᑯᓂᒃ ᐊᒻᒪᓗ/ᐅᒡᕙᓘᓐᓃᑦ ᐃᓄᖕᓂᒃ ᖃᐅᔨᓴᖅᑎᑦ ᐱᔨᑦᑎᕋᖅᑎᖏᑦ ᐱᓕᕆᔪᓐᓇᖅᑐᑦ ᑐᓐᖓᕕᐅᔪᑦ ᑯᐊᐳᕇᓴᓐ ᓂᐅᕕᕈᓐᓇᖅᑐᑦ ᓴᒡᕙᐃᓗᑎᒃ ᑲᓇᑕᒥ ᐅᒡᕙᓘᓐᓃᑦ ᐊᓯᖏᓐᓂᒃ ᒪᑭᒪᔾᔪᑎᒃᓴᓄᑦ ᑮᓇᐅᔭᓕᕆᓂᖅ. ᑯᐊᐳᕆᓴᓂᒃ ᓂᐅᕕᕈᑎᒃ ᑕᒪᒃᑯᐊ ᓇᖕᒥᓂᖃᖃᑕᐅᔾᔪᑎᖏᑦᑎᒍᑦ ᐱᑕᖃᕈᓐᓇᖅᑐᖅ ᐊᑦᑕᕐᓇᕈᓐᓇᖅᑐᓂᒃ ᐱᔾᔪᑎᒋᓪᓗᒍ ᐊᑦᑕᕐᓇᖅᑑᖕᒪᑕ ᓱᕋᒃᓴᕋᑦᑑᔪᓐᓇᕐᒪᑕ ᓇᑉᐸᖅᑕᐅᓯᒪᔪᑦ, ᐊᐅᓚᑕᐅᓂᖓ ᐋᕿᒃᓯᒪᔾᔪᑕᐅᔪᓄᑦ ᐱᓇᓱᐊᖅᑐᑦ, ᐱᕋᔭᒃᑐᑦ ᐊᒻᒪᓗ ᐊᑭᐊᓂᑦ ᐊᔭᐅᖅᑕᐅᔪᑦ ᖃᓄᐃᓕᐅᕈᑕᐅᖁᔭᐅᔪᑦ, ᐊᒻᒪᓗ ᒪᓕᒐᕐᒥᒃ ᓱᕋᐃᔪᑦ ᓅᒃᑕᕐᑎᑦᑎᓂᖅ ᑮᓇᐅᔭᕐᓂᒃ ᖃᕆᓴᐅᔭᕐᓂᒃ ᐊᒻᒪᓗ ᖃᐅᔨᒪᔨᒋᔭᐅᔪᓂᒃ. ᐃᓚᖃᖅᑐᖅ ᐊᕕᒃᑐᖅᓯᒪᔪᓂᑦ-ᓇᖕᒥᓂᕆᔭᑦ ᐅᒡᕙᓘᓐᓃᑦ ᐊᕕᒃᑐᖅᓯᒪᔪᓂᑦ-ᐊᑕᔪᑦ ᑲᒻᐸᓂᑦ ᑕᒪᒃᑯᓄᖓ ᖃᑭᔾᔪᑎᒃᓴᓄᑦ ᓂᐅᕕᖅᓯᒪᔪᑦ ᐊᑭᕋᐅᔪᓐᓇᖅᑐᑦ ᖃᐅᔨᒪᔭᐅᓇᑎᒃ ᐅᒡᕙᓘᓐᓃᑦ ᐃᔨᕋᖅᑑᑎᑦ.

ᑭᒃᑰᕙᑦ ᐃᓕᒃᑯᑦ ᑲᑉᐱᐊᓵᕆᔪᑦ?

ᑲᑉᐱᐊᓵᕆᔪᑦ ᐊᑐᖅᓯᓲᑦ ᐃᓕᒃᑯᑦ (ᐃᖅᑲᓇᐃᔭᕐᕕᒋᔭᑎᑦ, ᑳᓐᑐᕌᒃᑕᐅᓯᒪᕕᒋᔭᑎᑦ, ᓂᐅᕕᕐᑎᑦᑎᔪᑦ, ᐱᓇᓱᐊᖃᑎᒋᔭᑎᑦ, ᐊᓯᖏᓪᓗ) ᐃᓯᕈᓐᓇᕐᓂᐊᕋᒥᒃ ᐊᐅᓚᑦᓯᔨᖕᓄᑦ ᐊᑦᑕᕐᓇᓛᓂᒃ ᑐᓴᕈᒪᓗᑎᒃ. ᑐᓴᕈᓐᓇᕐᒥᔭᑎᑦ ᑕᒪᒃᑯᐊ ᐃᓄᐃᑦ ᑕᐃᔭᐅᓲᑦ “ᓄᐊᑦᑎᔨᑐᖃᐅᓐᖏᑦᑐᑦ”. ᐅᑯᐊ ᐃᓕᒃᑰᖅᑐᑦ ᐊᔭᐅᖅᑕᐅᓯᒪᔪᓐᓇᕐᒪᑕ, ᐊᐅᓚᑕᑦ ᐊᐅᓚᑦᑐᒪᓐᖏᑕᒃᑯᑦ, ᐊᓯᐊᒍᕐᕕᖃᖅᑎᑦᑎᓐᖏᑦᑐᑦ ᐅᒡᕙᓘᓐᓃᑦ ᐊᑭᓯᔭᐊᖃᕋᒥᒃ ᑕᐃᒪᓐᓇᐃᓕᐅᖅᑎᑕᐅᔪᑦ ᑐᓴᕋᓱᐊᖅᑐᑦ ᐅᒡᕙᓘᓐᓃᑦ ᐃᓯᕋᓱᐊᖅᑐᑦ. ᐃᓄᖕᒥᑦ ᐃᓕᖁᓯᕆᔭᑦ ᖃᐅᔨᓇᕈᓐᓇᖅᑐᖅ ᐃᓕᒃᑰᖅᑐᑦ ᐅᓗᕆᐊᖅᓵᕆᔪᓂᒃ ᐊᑦᑕᕐᓇᖅᑐᒦᒐᔭᕋᕕᑦ ᐅᑯᐊ ᐃᓚᒋᔭᐅᕗᑦ: ᐃᑲᕐᕋᐅᑉ ᐊᓯᐊᒍᑦ ᐱᓕᕆᔪᑦ; ᖃᕆᓴᐅᔭᕐᓂᒃ ᒪᑐᐃᖅᓯᓇᓱᐊᖅᑐᑦ ᐱᒋᓐᖏᑕᒥᖕᓂᒃ; ᑕᑯᒃᓴᐅᔪᑦ ᐊᔾᔨᒋᓐᖏᑕᖓᓂᒃ ᐱᓕᕆᔭᑦᓯ ᑐᓴᕈᒪᔪᖅ ᓯᓚᑖᒍᑦ ᐃᓅᑉ ᐱᔭᒃᓴᕆᑎᑕᐅᔪᐊᓂᑦ; ᐃᔨᕋᖅᑐᖅᑐᖅ ᐊᑭᐊᓂᕐᒥᐅᑦ ᑭᒡᒐᖅᑐᑎᒥᓂᒃ ᐅᒡᕙᓘᓐᓃᑦ ᐅᖃᕐᕕᒋᕙᒃᑕᒥᓂᒃ; ᐊᒻᒪᓗ ᑐᑭᓯᓇᓐᖏᑦᑐᓂᒃ ᓯᐅᖃᑦᑕᖅᖢᓂ ᐊᒻᒪᓗ ᖃᐅᔨᒪᓇᓐᖏᑦᑐᒥᒃ ᐃᓕᖁᓯᖃᖅᑐᖅ.

ᑭᓲᕙ ᖃᕆᓴᐅᔭᒃᑯᑦ-ᓈᓚᒃᑐᑦ ᐱᕋᔭᐅᑎᒃᓴᒥᖕᓄᑦ

ᐅᓗᕆᐊᖅᓵᕆᔪᑦ ᐊᑐᖅᖢᑎᒃ ᖃᕆᓴᐅᔭᕐᓂᒃ ᑕᐃᒫᒃ ᐃᓅᑉ ᐱᖁᑎᖏᓐᓂᒃ ᑭᓇᐅᓂᖓᓂᒡᓗ ᐅᓗᕆᐊᖅᓵᕆᔪᑦ ᐅᒡᕙᓘᓐᓃᑦ ᐃᓕᐅᖃᐃᔪᑦ ᐊᓯᐊᓄᑦ ᖃᕆᓴᐅᔭᕐᓄᑦ ᐱᓪᓗᑎᒃ ᑲᖕᖑᓇᖅᑐᓂᒃ ᑐᓴᕆᐊᖃᓐᖏᑕᒥᖕᓂᒃ ᐅᒡᕙᓘᓐᓃᑦ ᑎᒃᓕᒃᑐᑦ ᐃᓅᑉ ᐱᖁᑖᓂᒃ.

ᑭᓲᕙ ᐊᑭᓇᓱᐊᖅᑐᖅ?

ᐅᓗᕆᐊᖅᓵᕆᔪᑦ ᑐᑭᓯᓇᓱᒃᑐᑦ ᐊᑐᖅᖢᑎᒃ ᐱᐅᒋᔭᐅᔪᒪᓪᓗᑎᒃ, ᑐᓴᕈᒪᓪᓗᑎᒃ, ᐊᐱᕈᖃᑦᑕᖅᑐᑦ ᑕᒪᒃᑯᓂᖓ ᖃᐅᔨᒪᓪᓗᐊᓐᖏᑕᒥᖕᓂᒃ, ᐱᓕᕆᔪᒪᕙᒃᑐᑦ ᐱᓕᕆᔭᕕᑦ ᐊᔾᔨᖏᓐᓂᒃ, ᐅᒡᕙᓘᓐᓃᑦ ᐊᑭᐊᓂᕐᒥᐅᑕᕐᒥᖕᓂᒃ ᓱᖁᑎᒃᓴᖏᑦᑎᐊᖅᑐᑦ ᐃᒃᐱᒍᓱᓐᖏᑦᑎᐊᖅᑐᑦ. ᑕᐃᒪᓐᓇ ᐱᓕᕆᔪᑦ ᑖᒃᑯᐊᖑᔪᓐᓇᖅᑐᑦ ᐃᖅᑲᓇᐃᔭᖅᑎᑦ ᑕᒪᐃᓐᓂ ᖃᐅᓕᒪᔪᕐᔪᐊᓂ ᐅᒡᕙᓘᓐᓃᑦ ᐃᓕᒃᑰᖓᔪᑎᒍᑦ.


ᐅᖃᕐᕕᒋᑎᒍᑦ ᐅᕘᓇ - Canada.ca

ᖃᓄᑐᐃᓐᓇᖅ ᑐᑭᓯᑎᑕᐅᔪᒪᒍᕕᑦ: 613-993-9620
ᐅᖃᐅᓯᒃᓴᓄᑦ ᑲᓇᑕᒥ ᐃᓄᖕᓂᒃ ᖃᐅᔨᓴᓂᕐᒧᑦ ᑐᓴᕐᑎᑦᑎᕕᒃ: 1-800-267-7685